البايسكل يم الامريكان

هلوووو شباااااب and بنااااات
خلي اسولفلكم سالفة البايسكل
مرة اني جنت دا افرفر بالبايسكل هذا الحجي جان 2004 مع العلم البايسكل صيني بس صاك جان يجي واحد كلي تعال دا اشوف البايسكل اني غلست وره شويه جانت جان الفرع فارغ جان واحد يجلب بالسيبايه وكفني اني انداريت جان ايهفني ابوكس محسوبكم ضل امجلب بالستيرن اي طلعلي حربه و اخوكم مجلب بالبايسكل بعدين اكلتلي بوكسيين و وكعت و هو طفر بالبايسكل و اني كمت اصيح حرامي حرامي و اركض ورا صاير سبع يابه و طلعولك من البيوت واحد بالبطح و الاخ ركض و الاخ بالسيارة و جيبه جيبه ورا الحرامي واني اركض بس بصراحه تعبت ها شباب ويلكفو بالفلكة بالفلكه اكو جريدة و عيني الحرس مصدكو جيبه جيبه رمي و على غفله اجوي الامريكان وهذا الحجي حتى الاباجي اجتي فوكانه وعيني الامريكان نوموا بالكاع البيها و العليها و جتي الشرطة و حطو البايسكل بالسيارة و كلولي الامريكان يعني المترجم اصعد ويانه و اخوكم مقبل كال لا شلون اجي وراكم بالتكسي عمي اخاف ينضربون لك عيني رحت وراهم للمركز و المجندة تجيبلي ببسي واني ما اقبل اخير شي كتلها جيبيها يمعودة الدنيا حارة تصكع و تحقيق و سين و جيم لك عيني جابولي الحرامي يتوسل لك اروحلك فدوه بس اتنازل لسوي دعوه و اخوكم امخنزر عليه لك بسيطة انت تضربني هاي يابه جيبه جيبه كتلهم اريد البايسكل حتى اروح كالولي روح زين يابه والبايسكل كلولي ماكو مو هسه تاخذه لك عيني ويضل البايسكل يم الامريكان تلث ايام اخيرشي طكت روحم مني و طونيا ............
تحياتي صاحب البايسكل

هههههههههههههه شون هنبله

شكرا على الموضوع