تحشيش حب

من طرف مستشار الشيطان السبت يونيو 20, 2009 12:19 am

بالجامعه
تعرف على بنيه الله يبعدكم
رجع للبيت الولد متخبل من وره جذب هذي البنيه

طبعا اول ما اتعرف بدا الحديث وره كم يوم

هلو ساره شلونج شدسوي شكو ماكو
الجواب : هلو احمد عيوني انت شلونك اني زينه اذا انت زينه
عفيه اكلك زهكانه وملل شسوي (عبالك هي دتداوم بمنتجع شرم الشيخ مو بجامعه)

احمد: خلي نروح للكافتيريا شنو رأيج
ساره : يله اوكي
وصلوا للكافتيريا
احمد : شتطلبين عيوني تره ازدحام واني عازمج
ساره: عفيه اذا اكو اورانجوز او كاباتشينو او شاي اوركانك بريكفاست (بده التفياك الله يرحم ايام كبل جنتي تشربين جاي وكعك)

اجه احمد جاب الي رادته والبنيه كرعت بسرعه جان تبدي تحجي
ساره : احمد انت شنو هواياتك
احمد : والله يا عيوني طوبه وأحب التنس والسفر ومثل متعرفين هاي امور الشباب زين وانتي ؟؟
ساره : من هواياتي السباحه مره سبحت بالنهر كلش عجبني (طبعا جذب الاردن كلها مابيها نهر) وركوب الخيل (اذا راكبه مطي عاتبني) وأحب السوالف والنقاشات الشبابيه (اكيد القشب على الشباب)

احمد : والله خوش هوايات زين وين رايحه لدول وشنو احلى دوله زرتيها ؟؟
ساره : اسبانيا (الشورجه) و فرنسا(سهام العبيدي) ولبنان (العطيفيه) وأحلى دوله هي السويد (شلون جذب اكيد متندل السويد بيا قاره)

احمد: اكلج بما انه احنه صارلنه اسابيع نمشي سويه عندي سؤال اذا متكدرين تجاوبيه عادي ؟؟
ساره : لا عيني اتفضل ميخالف

احمد: انتي حبيتي قبل او مريتي بعلاقة حب

ساره : اووووف (هذا من أثر البواري) لا ما مريت بحب بس تقدمولي هوايه شباب بس رفضتهم لأن تافهين (يا حسره عانس وخلصان الأكسباير) (بس تريد اي ولد حتى لو فيترجي)
يعني يا احمد تكدر تكول ماعندي علاقه ابد وما حبيت سابقا (تلفونها عند نص الشعب ومضروبه بواري بكد الي يستخدموهن لصناعة الجسور)

احمد : اوكي عيني اني رايح للبيت اليوم تفتحين ايميل ونكمل سوالفنه العصر ؟؟؟
ساره : لا اليوم مراح افتح لأن رايحه للجم مال رشاقه (بالبيت اسوي كليجه ويه امي) وبعدين وراها اروح اتمشى ويه صديقاتي بالمولات (تشتري مكياج لأن ثاني يوم عدها حرب دتطم حفر)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تحشيش حب Girj8gl6i8209grqxj4q