حمودي والقملة

استعرض الموضوع السابق استعرض الموضوع التالي اذهب الى الأسفل

المحتوى الاصلي حمودي والقملة

مُساهمة من طرف barcelona_messi في الأحد أغسطس 16, 2009 10:50 am

حمودي= ياقمله شوكت تروحين من شعري

القمله = والله ما اعوفك حتى لو تصير اكرع

حمودي= ولج تره والله هسه افوت اسبح

القمله = ولك لا تهدد اني جنت عانس بس هسه مزوجه تره هسه اخلف مليون قمله

حمودي = اي وشلونه رجلج مرتاح بشعري

القمله = اصلا يكول شعرك منتجع راح يصيح كرايبه الكمل

حمودي = ولج والله عندي صابون مال حصه تره افوت اغسل شعري بيه

القمله = الله ياريت اصلا صابون الحصه فيتامينات للكمل اصلا من نشوفه نكوم نهلهل هواي ونفرح ونغني عيد وحب هاي الليله الكمل كله معيد

حمودي = اكول البارحه هواي هواي كمت احك بشعري خير شكو

القمله = هههههه ليش تحرجني مو تعرف عرسان اني ورجلي جنا ههههههههههه شكد مكروه حمودي لا تحرجني مو اني استحي

حمودي = اي انتم بالعسل واني احك من القهر شلون قسمه

القمله = ان شاء الله الك وتتزوج

حمودي = ولج منو ترضى بيه مكمل شعري ومكمل بالدراسه هماتين البنات يحبون الشاب شعره سرح اصفر مثل راسم الجميلي

القمله = يمعود اني اعرف شكد من كرايبي واصدقائي من القمل ساكنين بشعر بنات

حمودي = يعني شكد اكو بنات بشعرهم قمل

القمله = اغلبهن اي اغلبهن

حمودي = ومرتاحين بشعر البنات

القمله = لا والله كل ساع ماكلين كفخه لان البنات يفيكون كل ساع محركه شعرها بيدها

حمودي = اي مو حتى شنو يجذبون الولد بشعرهم عودك شوفوني شعري على المتن سارح
القمله = اي ومرات يصبغون شعرهن بنتلايت والكمل كله يطكع ويتوسخ يمعود عيشه مو زينه بشعر البنات عبالك كاعدين بالعراق

حمودي = مو احنا هماتين مانكدر نعيش بدون بنات لانه الدنيا بدون بنات مثل ورده بدون مياده الحناوي او مثل بقره بلا حليب

القمله = وهسه النوبه الولد يخلون مخاطين بشعرهم يسموه جل والقمل جاي يدبغ وتلعب نفسه من المخاطين الجل

حمودي = اي مو يريد يصير حلو حتى ترضه بيه الاعميه

القمله = اكول انا محصوره اروح اكظي حاجه وارجع

حمودي = شكو عليج انا ماكله بس على كيفج مو تغركينه هسه الناس عباله حاط دهن للشعري الي يدري يدري والمايدري يكول دهن شعر

ديروا بالكم من القمل استعمل الشابو والنفط يوميه بدون انقطاع

barcelona_messi
مشرف عام
مشرف عام

ذكر المشاركات : 72
تاريخ التسجيل : 15/08/2009
الموقع : http://www.baghdadalhabiba.tk/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى