الفتاةالتي طلقها زوجهافي ليلةالدخلة

استعرض الموضوع السابق استعرض الموضوع التالي اذهب الى الأسفل

المحتوى الاصلي الفتاةالتي طلقها زوجهافي ليلةالدخلة

مُساهمة من طرف barcelona_messi في الأحد أغسطس 16, 2009 3:07 am

السلام عليكم

الحلقه الاولى

جانت اكو ابنيه عراقيه بس ولدت في دمشق من ام فلسطينه واب دنماركي
بس هي عراقيه شلون ما ادري هو فلم هندي مشيها اجتي قسمتها اتقدملها
شاب هم عراقي بس عراقي اصيل من ام فنزوليه بس ابو لا نمساوي بس
هو عراقي شلون ما ادري هذا هم فلم هندي بس شنو الجزء الثاني مال الفلم
الهندي الاول فاهل البنيه وافقوا علىالزواج


البنيه شيعيه والولد هم شيعي الحمد لله ماكو خلافات تم تحديد العقد والزواج
يوم الخميس الي يصادف قبل الجمعه وبعد الاربعاء اجتمعوا المعزومين
والعروسه والعريس ينتظرون السيد يجي يعقد اتاخر السيد هسه يجي اتاخر
المهم وصل السيد طبعا سيارة بي ام دبليو سوده ونزل منها وكعد بالهول وكال
اسف اتاخرت لانه احد القاده مال المليشيات وجانت عدهم عمليه قتل سبعه
من الحرس الوطني كتلوا سته بس السابع انقهروا عليه بس حركوه وهو حي يعني
ماقتلوه المهم السيد كال ما اعقد الا اشرب عصير مشمش مشتهي مشمش عاد
ام العروسه كالت سيد دخيلك احنا بالشته منين اجيب المشمش كال معليه ما اعقد
الا كلاص مشمش عاد جورينهم ام امحيس ام بيت وخوش مره دره مال الله هي من
بيت سيد زهره ال قنينه ام بيت روعه متزوجه عشرين مره ومطلكه سباطعش مره
كالت عيني جيبي طرشانه نكعيها وضربيها بالخلاط وانطيه

واجه كلاص العصير وشربه السيد وراها كام يمطك اربع مطكات بس قناةالجزيره
كالت لا اكد مراسلنه انها خمس مطكات وكل مطكه قوتها خمسين كيلو هيرتز
شربه وكال اين العروسه هي جانت تكنس بالبيتونه عاد امها صاحتها نزلت العروسه اما العريس
العريس جان بالتواليت خطيه عنده اسهال لانه اجاه قبل يومين تهديد من الجيش الاسلامي
يكولون اذا مايطلع من البيت تره انذب الزبل كبال بيتهم والذبان يلتم عليها المهم عقد
السيد وره ماعقد رن الموبايل مال السيد طلع مسؤل اكبره منه بالمليشيات كال تم عزلك
من المليشيات جان السيد يجر حسره ويطلع قوطيه امجرشه من جيبه ويكول الىابو
العروسه بلكت تحطونه رياض احمد وتفرشولنه بالسطح اليوم اريد اجر عتابه


المهم خلص العقد العريس راد ياخذ زوجته ويطلعون زفه الى الفندق بهاي اللحظات
تكوم العروسه تبجي من تطلع من بيت اهلها عاد امها كالت هاي شبيج بنتي
كولشي عادي كولش اوكي يمعوده هسه اني امج واحسدج على هذا اليوم لعد
مثل حظي المهم البنيه خطيه امكمشه بالباب ويجرون بيها اهل العريس ويجرون
جان يجي بديهم ثوب العرس مال العروسه بس بقت مستوره بس ضلوا يجرون
وجان يجرون القطع الى جوه بدله العروسه بس شنو يعني يعني انكول بقت مستوره
يعني مثل طرزان شنو لابس مثله وطرزان تعرفوه هذا الي يكمز على الاشجار من تنطفي
الكهرباء بالعراق المهم ابو العروسه اخترع وجان يجرالزوليه مال الهول ويلفها بيها
يستر عليها جان ام امحيسن هاي ام البيت الدره كالت لفيتها بالزوليه لعد حطي نفثالين حتى
الزوليه مايكرضوها عاد جاب علاكتين نفثالين ودحسها بالزوليه والباقي خلاه بحلك العروسه
خطيه عبالها مصقول عرسها وشالوا العروسه بالزوليه على اجتافهم وحطوها بالسياره
مال الزفه السايق مال السياره عباله هاي جنازه وحرك السياره واطلع على النجف
جان ام العروسه تكوله وين كال غير للنجف كالت لا احنا عرس عدنه هاي شبيك انت ستيوبد
مو ام العروسه شنو مخلصه معهد ميكانيك سيارات بس زوجها من اتخرجت ماقبل تفتح محل فيترجي
بشيخ عمر لانه الفترجيه الي يمها سرسريه مومثل اطباء الاسنان حراميه المهم من تخرجت
خالها يصير الحداد الخاص مال برزان التكريتي الي جان يسويله شيش حديد يكعدون المعتقل
السياسي على الشيش الحديد حتى يشعر بالاطمئنان عاد من يكعد يجي بيه سنتر ويكوم يصيح
كولش عادي كولش اوكي عاد ام العروسه سوت واسطه حتى تصير معلمه انكليزي ولو
هي ولا طكه تعرف بالانكليزي بس كالت من اتعين عودك الطلاب يعلموها انكليزي


بالحلقه القادمه راح نعرف من راحوا للفندق وكمشتهم مليشيات سنيه مو شيعيه شراح
يصير مع العروسين

barcelona_messi
مشرف عام
مشرف عام

ذكر المشاركات : 72
تاريخ التسجيل : 15/08/2009
الموقع : http://www.baghdadalhabiba.tk/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى