نسوان السليكون

استعرض الموضوع السابق استعرض الموضوع التالي اذهب الى الأسفل

المحتوى الاصلي نسوان السليكون

مُساهمة من طرف barcelona_messi في السبت أغسطس 15, 2009 2:14 pm

السلام عليكم

اني خايف على نسوان العراق بعد زيادة رواتب الموظفات يروحن يسون عمليات نفخ
وزرق سليكون وعمليات ابر البوتكس خايف جدا وقلبي قلق وبطني اتقرقر

طبعا معروف عن النسوان المبدء مالتها هو كول عني غبيه ثوله ما افتهم ولا تكول عليه
اني مو حلوه واعتقد انه الكثير من البنات يفكرون بعمليات السليكون حتى يصيرن حلوات
لانه اغلبهن ناشفات خطيه

وايام الحصار جان البنات شنو يسون ياخذون حبوب الدكسون او الدكسن وهو رخيص
الشريط 250 دينار هاي الحبوب بيها كورتزون يحبس السوائل بالجسم والوجه فيصير
الوجه امتفخ

بينما الله على نسوان قبل امربربات امتفحات من الله من خدهن اذا تلزمه يطفر دم
شكد ماصحه ومتفحه اذكر ام سعدون خدها يطفر دم بعد ماداس عليها لوري تريله
محمله الف طن حديد سحكها وداس عليها جان خدها يطفر دم شكد ما امتفحه ومربربه


هسه بنات هذا الوكت ناشفات كلش خدها يطفر افررازت دهنيه بس لهذا يردن يسون
عمليات نفخ الشفه او الخدود او هذاك الثاني نسيت اسمه خو هذا الي نسيت اسمه
ينفخوه يصير عبالك راس جلال الطالباني شكبره عمي والله يخوف اذكر جوارينه ام
قاسم سوت نفخ لهذاك الي نسيت اسمه وره النفخ من تلبس العبايه السوده مالتها
تطلع عبالك لا بسه بودي ضيق مو عبايه واني انتقدها كتلها تره هيج مو حلوه كالت
شلون كتلها شوفي هو وينه كالت هياته شوف كتلها ابو قاسم وينه كالت نايم كتلها اوكي
لعد خلي انتقد واشوف كتلها شنو هايشه انتي لو غورلا كالت لا اني زماله كتلها نعم شنو
تنفخين كالت اي راح اروح للطبيب اسوي عملية فش رايحه كتلها اوكفي اوكفي خلي انتقد
بعد ليش مستعجله كالت صارلك ساعه تنتقد مو استبردت اريد البس كتلها اوكفي ياعيني
همه مو اثنين اي غير انتقد مرتين كالت اها اسفه لعد خلي اروح اسمط ابو قاسم بالنعال
حتى يغمى عليه وانت تنتقد على راحتك بس بشرط يكون الانتقاد موضوعي مو انتقاد مو
على اساس علمي كتلها اني راح اراعي شرف المهنه واخلي الله بين عيوني واني انتقد
لانه الحقائق كلها كدامي وهي طبعا حقيقتين مو حقيقه وحده انتقدنه الحقيقه اليمنه هسه
نتقد الحقيقه على اليسره



يعني خلصنه من عمليات الشد هسه طلعت عمليات النفخ ومناك عدنه عمليات الشفط
مال الدهون طبعا هاي ام ستار سوت عملية شفط لانه هي سمينه كلش وابو ستار
كلش منزعج يكلها ولج الناس حاسديني يكولن ابو ستار مزوج اربعه وهي وحده
فسوت شفط بالعراق كعدت بالشارع بلكت سياره مفخخه اطك بلكت عبوه ناسفه
ومن الخرعه ينزل وزنها بس ماكو بعد عمليات ارهابيه فراحت الى الطبيب وكام
يشفط الها بالمكينه بس مشغلها على المولده والكهرباء مو مستقر ساعه تجي
كلش قويه فيصير الشفط قوي وخطيه شفط الها المبايض والمثانه والغده الكظريه
وكيس البربخ مال المعده وشفط الها الكريات البيضاء وشفط البنكرياس والجلاوي
والمرئ وشفط الاثني عشري بس مو كله شفط بس خمسه والباقي صار السبعي
وشفط المخيخ والشعر الي جوه الابط مالتها وشفط واحد من الحواجب وشفط
جميع مفاتن المراه يعني مابقه الها بس كيس المراره وشويه مزروف ويخر مراره
بجسمها ورجعت لابو ستار تكله طلكني فوك كل هاي وهي تطلب الطلاق منه


والله النسوان عدهن سوالف حتى يصيرن حلوات عمي هاي من الله الجمال
يعني كوه هي لو كوه

barcelona_messi
مشرف عام
مشرف عام

ذكر المشاركات : 72
تاريخ التسجيل : 15/08/2009
الموقع : http://www.baghdadalhabiba.tk/

الرجوع الى أعلى الصفحة اذهب الى الأسفل

المحتوى الاصلي رد: نسوان السليكون

مُساهمة من طرف !@#$%admin%$#@! في الأحد أغسطس 16, 2009 2:03 am

هههههههههههههههههههههههههه يسلمو [i]
avatar
!@#$%admin%$#@!
المدير
المدير

ذكر المشاركات : 148
تاريخ التسجيل : 14/06/2009
الموقع : http://baghdadalhabiba.tk

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى